Мағжан Жұмабаев атындағы жоғары колледж — техникалық және кәсiптiк, орта бiлiмнен кейiнгi бiлiм беру мамандарын даярлау және қайта даярлау бойынша Солтүстiк Қазақстан облысындағы жетекшi кәсiптiк бiлiм беру мекемелерiнiң бiрi.
Колледждiң негiзгi стратегиялық бағыттарының бiрi ақпараттандыру процестерiн дамыту және ақпараттық технологияларды оқу процесiне енгiзу болып табылады.
"Жас маман" бағдарламасын iске асыру шеңберiнде колледжде құзыреттiлiктер орталығы жұмыс iстейдi. Оның мақсаты "Желiлiк және жүйелiк әкiмшiлендiру", "Веб-дизайн", "Графикалық дизайн", "Полиграфия", "CAD инженерлiк графикасы" құзыреттiлiктерi бойынша қазiргi заманғы жоғары тиiмдi бiлiм беру ақпараттық ресурстарын бiрiктiру және шоғырландыру арқылы IT-технологиялар саласында жоғары бiлiктi кадрларды даярлау болып табылады.
Құзыреттiлiк орталығын құру колледж студенттерiнiң кәсiби құзыреттiлiктерiн қалыптастыруға кең мүмкiндiктер ашады. 3D модельдеу зертханасы объектiлердiң үш өлшемдi модельдерiн жасауға арналған жабдық болып табылатын rangevision Spectrum және calibry заманауи 3D сканерлерiмен жабдықталған. Сканерлеу кезiнде оқылған ақпарат компьютердегi сандық кескiнге айналады. Бөлшектердiң жоғары деңгейi және объект бетiнiң сипаттамалары туралы толық ақпараттың болуы 3D сканерлердi ғылымда, дизайнерлердiң, ғалымдардың жұмысында қолдануды өзектендiредi. 3D сканерлер көмегiмен алынған нысандар модельдерiн 3D принтерде басып шығаруға болады. Makerbot Replicator — кеңейтiлген басып шығару мүмкiндiктерiмен сипатталған бесiншi буынның ең үлкен моделi. Оның басып шығару деңгейiнiң ажыратымдылығы жүз микронға жетедi. Студенттердi 3D модельдеуге оқыту 3D MAX Studio, Auto Cad және т.б. арнайы ресурстарды қажет ететiн бағдарламалық жасақтамаларда жүзеге асырылады.
Робототехника кабинетi Ноутбуктер жиынтығымен, Original Prusa i3 3D принтерiмен, lego mindstorms және "Ардуино" робототехникалық жинақтармен, бiлiм беретiн электрондық конструкторлармен, мобильдi трек роботын құруға арналған жиынтықтар, бағдарламалауды, электрониканы, робот техникасы негiздерiн және заттар интернетiн оқытуға арналған робототехникалық жинақтармен жабдықталған, жоғары сапа стандарттарына сәйкес келедi және қауiпсiздiк талаптарына жауап бередi. Барлық роботтехникалық жиынтықтар әдiстемелiк материалдарымен және лицензияланған бағдарламалық қамтамасыз етумен бiрге жүредi.
Колледж «Bеб-дизайн» және «Графикалық дизайн» құзыреттерi бойынша WorldSkills Kazakhstan чемпионатының өңiрлiк кезеңдерiн өткiзу базасы болып табылады. Колледж студенттерiн графикалық және web-дизайн бойынша оқыту жоғары техникалық сипаттамалары бар заманауи ноутбуктерде және Wacom графикалық планшеттерiнде жүргiзiледi. Wacom — бұл стильдi эргономикалық дизайны және қарапайым конфигурациясы бар, суреттердi сызуға, бояуға және өңдеуге арналған арнайы жеңiл сандық қаламмен қолданылатын планшеттер. Бұл графикалық планшеттердi орнатуға және қолдануға ыңғайлы. Аталмыш планшеттер сандық шығармашылық үшiн қажет.
Колледжде жұмыс берушiлердiң талаптарын ескере отырып, қолданыстағы оқу жоспарларына интеграцияланатын кәсiби модульдердi әзiрлеу, бiлiм беру бағдарламаларын енгiзу бойынша жұмыс жүргiзiлуде. Студенттердiң халықаралық сертификаттарды алу мүмкiндiгi болуы үшiн халықаралық салалық стандарттарға сәйкес келетiн бағдарламаларды енгiзу жоспарлануда.
Орталық базасында қорытынды аттестаттау шеңберiнде WorldSkills стандарттары бойынша бiлiм алушылардың өндiрiстiк жағдайға жақын жағдайдағы құзыреттiлiгi бағаланатын демонстрациялық емтихандар өткiзу жоспарланып отыр.
Заманауи жабдықтармен жұмыс жасау колледж студенттерiне IT саласында өз бiлiмдерiн кеңейтуге, кәсiби дағдылары мен бiлiктерiн дамытуға мүмкiндiк бередi. Колледж студенттерi өз бiлiмдерiн 3D модельдеуде, робототехникада көрсете алады. lancisco және WorldSkills оқу жабдықтарының үлгiлiк жинақтарын қолдана отырып, зертханалық-практикалық сабақтарда желiлiк технологиялар негiздерiн үйренедi.
Практикалық оқытудағы сенiмдi база мен жоғары сапалы теориялық дайындық IТ-технологиялар саласындағы бәсекеге қабiлеттi мамандарды даярлауға ықпалын тигiзедi.
Ақпарат көзі: https://www.gov.kz/memleket/entities/sko-uob
